回港行程表

返香港嘅期﹐仲有唔夠三個月。。。要開始進入倒數階段。。。其實好多人都問我點解咁耐先返一次﹐無計啦~ 一來返香港好大壓力 (要減肥) ﹐二來真係無乜假﹐而且機票又唔平﹐返到香港又係大駛特駛。。。

* * * * * * * *

今日向公司度無乜嘢做﹐所以又向公司度踱下返香港個 schedule表。

好煩呀﹗>.< 返得知十日﹐又有多多嘢攪﹐好多人要見。例如我失散多年嘅契媽﹐ 讀大學果陣嘅同學﹐ 我最要好嘅一班舊朋友﹑契女﹐我大哥以前個女友 (同我好好感情架﹗)﹐以前公司嘅 travel agent。。。 可惜好多都無 connection ﹐所以都要分開咁見﹐但難得返香港﹐又要分時間比屋企人同親戚。如果唔係﹐一定會比屋企人劈開兩邊﹗﹗>.<