幾日小煮

呢兩日都有煮下飯。。。係呀~ 前一排都幾懶﹐可以求其食或出去食就出街食。唔想煮﹐唔想洗。。。

前幾日整左一大煱「滷肉」﹐好耐無整﹐好好味。用嚟送飯真係一流架﹗



噚晚﹐我就整左「乾蔥蒜香蜜糖牛扒粒」﹐「瑤柱蝦米炒小唐菜竹笙」。兩個都係第一次整。乜都加少少﹐出嚟效果好好味。

日本埠食拉麵

剛過去嘅 Sunday, I went to 還神 with my friend. We went to both 寶華寺 & 黃大仙。

Since we are heading to San Francisco, we decided to have lunch there as well. 我揀左去 Japan Town. 因為好耐無去啦~ I used to go there A LOT!!

叫左兩個手卷 (Salmon hand-roll & Hamachi hand-roll) 。好好味。唔知點解南灣比較少 hand-roll choices… 拉麵都係無得頂。我好鍾意佢地嘅麵架﹗呢間係我向三藩市住果陣嘅 first choice ramen shop. ^^ 下次同大少去三藩市﹐ 又要再食過先得﹗ ^^

Cupertino 的 Monday nite

剛岩過去嘅星期一﹐我約左好友出嚟見面。一齊去 Cupertino 的「關東風情」去食嘢。好耐無去 Cupertino 度食啦~ 自從搬左去 San Jose 之後﹐都好少去。。。

「關東風情」d 嘢好大碟﹐但味道 OK 架~ 所以成日好多人會向門口排長龍﹐果日我地都等左 15 分鐘先到我地呀﹗

飯後﹐仲去左「糖心舍」食甜品﹐但果晚我叫嘅核桃露好難食。。。睇嚟我會再少去啦~~

bread week

呢兩日 allergy 好勁﹐個鼻向度不停開水喉﹐返工見到開始好多落葉﹐就知又係 allergy season。。。 @___@ 睇嚟我又係時候去打 flu shot 啦~~

Anyway, 剛岩過去嘅三日長週末﹐我日日都好多節目﹐餐餐都出街食﹐攪到我由減肥變左做增肥~~~ OH NO~~~ >___<"

整左好多次麵包﹐比大家睇下啦﹗

火力仲要睇緊少少。我會再努力的﹗

回港行程表

返香港嘅期﹐仲有唔夠三個月。。。要開始進入倒數階段。。。其實好多人都問我點解咁耐先返一次﹐無計啦~ 一來返香港好大壓力 (要減肥) ﹐二來真係無乜假﹐而且機票又唔平﹐返到香港又係大駛特駛。。。

* * * * * * * *

今日向公司度無乜嘢做﹐所以又向公司度踱下返香港個 schedule表。

好煩呀﹗>.< 返得知十日﹐又有多多嘢攪﹐好多人要見。例如我失散多年嘅契媽﹐ 讀大學果陣嘅同學﹐ 我最要好嘅一班舊朋友﹑契女﹐我大哥以前個女友 (同我好好感情架﹗)﹐以前公司嘅 travel agent。。。 可惜好多都無 connection ﹐所以都要分開咁見﹐但難得返香港﹐又要分時間比屋企人同親戚。如果唔係﹐一定會比屋企人劈開兩邊﹗﹗>.<

麵包 long weekend

仲有一日就係 Labor Day long weekend。
YEAH~~~ \^0^/

就嚟有三日假﹐心情都好輕鬆。最可惜每年都向正「盂蘭節」期間﹐所以都唔會點出街。因為我怕怕囉~~

但係三日長假﹐有乜好做呢﹖咪又係整麵包啦﹗嘩哈哈~~ XD 無計啦~ 有朋友話要食﹐咁順便有時間都想見下朋友﹐因為朋友個老婆臨盤在即﹐想佢向生之前見下面。

家下諗緊整乜嘢好。上個星期整嘅「朱古力包」好好味﹐決定 encore。仲諗住想整提子包﹑腸仔包﹑叉燒餐包﹑粟米沙律包。。。好多包想整。。。

遲下﹐我打算買返個方包模。因為最近揾到幾個好似好得意又好好味嘅麵包食譜﹐ 好想試下。有機會同大家分享一下。

成功包包

前個星期做沙甸魚包唔太成功﹐我再睇返「孟老師的100道麵包」隻光碟﹐原來用 mixer係要先落液體﹐後落粉類。。。唔怪得之我第一次唔太成功啦~~ 今個星期終於攪掂啦﹗今次梗係整沙甸魚包啦﹗

大少想食大大個﹐結果因貪心得濟﹐攪到好幾個都爆咗~~

而另外我又試整左個朱古力包 (Nutella hazelnut chocolate). 再用扎辮咁整。出嚟又靚又好食。好快成個食哂﹗原本諗住第二日留兩個比朋友。但我地一日半已經清哂所有麵包﹐唯有等下個星期囉~~

我諗住家下每個星期六 or 星期日都整麵包。咁就唔駛出街買。而下個星期﹐我暫時打算 encore 朱古力包。不過整細個少少嘅 size。因為今次我整呢個成呎架﹗

二人相處

前兩篇先講緊要幫我朋友攪明年結婚 d嘢﹐今日同朋友傾電話果陣﹐佢同我講佢又再分手啦~~ (OMG~ again?!)

唉~~ 我識大少咁耐就識佢咁耐。佢向短短唔夠八年中﹐ 都唔知分手左幾多次。我仲諗住佢今次仲見埋雙方家長﹐應該可以儲定「人情」﹐大力幫手佢個 wedding.. 點知~~ (sigh~~)

唉~其實佢地只拍拖短短兩個幾月就過結婚﹐我當然抱住觀望態度。

就係因為我同大少相處好短時間就立刻結婚﹐知道中間嘅相處過程會出現分爭﹐少一點忍讓﹐少一點接受﹐少一點諒解﹐都好難維持。

其實我都算好彩架啦~~ 因為大少其實都好忍讓我嘅大小姐脾氣﹐而我又會盡量去接受大少嘅「哩啡」(dirty)﹐大家又對婚姻有一定共識﹐所以先維持左咁耐。咁當然~~ 每對夫婦都總會有吵鬧嘅時候﹐但只要為對方諗多一點﹐以對方角度去諗﹐而唔係由自己去諗佢﹐關係可以長久少少。

但我呢個朋友﹐其實我都幾替佢擔心。如果佢心情好﹐佢會好識 tum 男方開心同忍讓。但有時佢太過執著﹐死牛一勉頸。例如凡事只講三次等 super 無聊規矩。又或者可能佢一心想盡快搬離屋企﹐所以拍拖無耐就立刻一齊住。

其實我唔反對人住埋一齊﹐因為可以更加清楚了解一個人嘅性格同生活習慣。兩個人一齊﹐總會需要時間去磨合差唔多嘅 channel。 Being on same page is very important for couples。

Anyway, 我幫佢做嘅 proposal 可以暫且停工。可以留返以後將來佢揾到個可以遷就到佢嘅人先再用啦~~~

涼伴脆瓜

夏天熱熱地。。。我最鍾意食冷盤。但大少唔太鍾意食

試過整個冷麵佢食﹐佢轉個頭走去“叮” 熱佢﹗。。。 (真係比佢激死呀﹗﹗﹗)

Anyway﹐雖然我向飲食方面平時都會盡量遷就大少。但有時我都唔理得太多。

呢幾日﹐我就整左個涼伴脆瓜 (小黃瓜) 。非常好味又健康﹗

點整﹖咪先清理小黃瓜﹐再用大量蒜蓉﹐豉油 (自己試味) ﹐麻油 & 少少白胡椒粉撈埋﹐最少等兩個鐘就食得。其實即食都得﹐但無咁入味囉~~

由失敗變成功 ﹖

上星期見到「丁丁」嘅沙甸魚包﹐攪到我心痕痕﹐因為已經好耐無整麵包啦﹗

而且我個 mixer 到家下都未剪綵。所以決定向星期日果日整沙甸魚包啦﹗

由於係第一次用個 mixer。 我都係唔咁間唔中就去睇下個 mixer 點。因為要用個“鉤” 嚟攪動﹐而最多 speed 係二 (好慢咁攪) 。。。唔知係咪因為咁﹐個麵糊一直都唔成形﹐攪左成粒鐘呀﹗

嘩﹗咁唔得喎﹗而且個麵糊開始變暖添﹗所以最後都係用手嚟搓。但呢個麵糊實在太濕太痴手﹐跟本成唔到形﹐所以我唯有不停搓果陣再落高筋粉。

Since 都整唔到沙甸魚包﹐我靈機一觸﹐就盡量卷成長條﹐再落 garlic powder, cheese powder, chives + little bit salt & pepper… 整左個 garlic 排包

咁由於唔想乜都係 garlic 排包﹐我再將其中 3 個用刀切開中間﹐再放 d sundried tomato pesto sauce 入去。出嚟效果都幾 OK。好意大利 feel 架﹗哈哈~~

Anyway, 雖然整沙甸魚包失敗左﹐但我都會再次努力的﹗

近況

最近忙 d 乜﹖咪係忙三大樣嘢﹕

1) 打網上 game (World of Warcraft)
最近同朋友傾偈﹐佢笑話大少似做宅男﹐而我係佢老婆﹐亦笑我變左做宅女。。。
不過。。。真係想不停打機。。。我諗一日最少12 小時都想打﹗想幫自己幾個人物都 level up....

2) 回港行程
十一月底就返香港十日啦﹗原本諗住返得亞洲﹐好想去台灣一轉 (三日兩夜) ﹐但行程真係太趕。所以只有去澳門同昂平行下。。。
由於成五年幾無返香港﹐超多朋友想見面。仲有好多曾經失散左嘅舊同學同契媽。
不過我仲要抽時間去攪掂正經嘢﹕換返個低能身份証﹑ 回鄉咭 (我果個係回鄉簿嚟架﹗﹗)﹑特區護照﹑保險箱。。。仲有要去還神添﹗
仲有仲有。。要食好多我好懷念嘅嘢﹐仲要去入貨。。。 Oh No~~ 真係忙到瞓都無時間﹗

3) 結婚
梗係唔係我結婚啦﹗啋﹗
係我朋友嚟緊打算結婚﹐不過明年年中先擺酒。佢初時要我做佢嘅化妝師﹑大襟姐 + wedding manager…
我話。。。「喂﹗我唔係八爪魚呀﹗﹗我無可能做咁多嘢。」
所以我朋友就決定揀我做佢 wedding manager 啦﹗其實佢都好識揀﹐因為我都試過幫好幾對朋友做 wedding manager or大襟姐。
不過今次我唔會收「利是」﹐會免費幫佢做。雖然佢平時係煩 d ﹐ 話哂對我地都不薄架﹗難得佢終於揾到個如意郎君﹐我真係替佢超高興 (yeah~~妳終於嫁得出啦﹗嘩哈哈~~ XD )
不過呀~~幫人攪 wedding plan…係我會死好多腦細胞﹗由其果 d唔多聽話嘅﹐鬧又唔係﹐ tum又唔係。。。真係要諗諗計仔。而且結婚果日仲不時執生。其實真係唔易做架﹗對上一次我幫朋友做 wedding manager. 佢地已經唔係全日 function (大半日) 我都行到腳抽筋 5次呀﹗﹗希望今次佢地會揀 d幫得手嘅兄弟姐妹啦﹗

馬式咖喱麵

上星期六﹐舊波友「麗莎」兩公婆邀請我地同「舒雅」兩公婆一齊去「麗莎」家食 homemade Malaysia Curry Noodle.

今餐係「安東尼」做大廚整個 Laksa 湯底。雖然對我嚟講都幾辣﹐但真係好好味。不過佢好衰﹐唔肯講個秘方我地知﹗哼﹗ 激死我﹗﹗﹗

世界其實真係可以好細﹐「麗莎」老公「安東尼」係「舒雅」十幾年前就識﹐ 仲要向馬拉西亞果陣係住向隔離村 (果陣唔識對方)。 但係斷左聯絡好耐。因為我同大少嘅緣故﹐又再將大家拉埋一齊﹐佢地仲住向同一區﹐隔離街呢﹗

新地頭

新地方﹐希望會有新嘅開始﹐新嘅領悟﹐但一切都係希望好的。