成功包包

前個星期做沙甸魚包唔太成功﹐我再睇返「孟老師的100道麵包」隻光碟﹐原來用 mixer係要先落液體﹐後落粉類。。。唔怪得之我第一次唔太成功啦~~ 今個星期終於攪掂啦﹗今次梗係整沙甸魚包啦﹗

大少想食大大個﹐結果因貪心得濟﹐攪到好幾個都爆咗~~

而另外我又試整左個朱古力包 (Nutella hazelnut chocolate). 再用扎辮咁整。出嚟又靚又好食。好快成個食哂﹗原本諗住第二日留兩個比朋友。但我地一日半已經清哂所有麵包﹐唯有等下個星期囉~~

我諗住家下每個星期六 or 星期日都整麵包。咁就唔駛出街買。而下個星期﹐我暫時打算 encore 朱古力包。不過整細個少少嘅 size。因為今次我整呢個成呎架﹗